يالتنشد عليّه وردت عنواني دوم بمجلس أهل البيت تلگاني – قصيدة

يالتنشد عليّه وردت عنواني
دوم بمجلس أهل البيت تلگاني
☆☆☆☆
عايش بالمجالس والهج بحبهم
يالتنشد نفس بالريه حاسبهم
من حگي اهل دمعي المصايبهم
وبس اعليهم انصب ماتم احزاني
☆☆☆☆
ابچي اعله النبي وابچي عله الزهره
والحيدر انوح بساجم العبره
وون اعله الحسن وابچي الهدم گبره
واشد مِحنه والم عاشور لو جاني
☆☆☆☆
بالقرايات روحي هايمه يا ناس
يا عطر المجالس چنه عطر الياس
شمحلاهه من اون لحسين والعباس
احضر والحضوره الله ناداني
☆☆☆☆
شلون اصبر واسمع صارت اقرايه
بسم حسين حلوه والله الحچايه
أجي المجلس اواسي فاطمه الغايه
والمنبر ابوي اوهوَّ رباني
☆☆☆☆
حسين اهلي وعمامي وهو عافيتي
يا ديرة غرامي ويا بعد بيتي
حب عذري احبه وصافيه نيتي
انغرس حبه بدليلي وحيل چواني
☆☆☆☆
نبضات الگلب صارت حسينيه
يامحله نسيمه الساكن الريه
حسين اسمه حلو صيته ومعانيه
من اعطش احس أباسمه رواني
☆☆☆☆
احضر مجلس وابچي عله الحرّه
واليبچي اعله زينب حضه اشكبره
قصيده مالي غيرك اقره كل مره
الاميره بالحشر حاشاها تنساني
☆☆☆☆
للمجلس اروح أو اخذ اولادي
واگللهم يبويه ضنوة الهادي
ظل وحده الغريب بكربله ينادي
إلا من ناصرن وانفجر بركاني
☆☆☆☆
معروفه المواقف كلهه دين بدين
اللطم صدره ودموعه ترست العينين
يوم الوحشه أول من يزوره حسين
صدگ هيچي وشوف حسين زاراني
☆☆☆☆☆
حيدر بشار الدراجي