💢قصة حوار بين رجل قروي ورجل دين💢
💢قصة حوار بين رجل قروي ورجل دين💢
✤ ┈┅✦❂✦💠✦❂✦┅┈ ✤
أسرد لكم قصة حقيقية وقت بين رجل قروي بسيط من جنوب العراق يحب أمير المؤمنين (صلوات الله وسلامه عليه) بالفطرة وبين رجل دين تعلّم الأمور العقلية والمنطقية والفلسفية وغيرها من الأمور الحوزوية…
يقول الرجل القروي كُنتُ في زيارةٍ لحرم مولاي أمير المؤمنين (صلوات الله وسلامه عليه) وبقيت في الحرم لأداء الزيارة حتى الليل ونمت هناك فأنا معتاد على المبيت في الحرم في كل زياراتي لأني أشعر أنّي في بيت والدي فلم يسبق لي المبيت في الفندق مطلقاً ولمّا كان وقت صلاة الفجر إستيقضت وذهبت للوضوء وعُدتُ للحرم كي أُصلّي وأعود الى قريتي ..
فلما دخلت الحرم للصلاة كان الى جانبي رجل دين معمم وصليت الى جانبه وكالعادة التي انا معتاد عليها ذكرت أمير المؤمنين في صلاتي في التشهد والتسليم حيث قلت ( وأشهد أن علياً أمير المؤمنين وفاطمة الزهراء وأبنائهما المعصومين حجج الله)
ولمّا إنتهيت من صلاتي إلتفت إليَّ هذا المعمم وقال لي : (حجينا عيد صلاتك!)
گتله ليش شيخنا ؟؟!😦
گلي صلاتك باطلة ويجب عليك الإعادة لأنك ذكرت الشهادة الثالثة في الصلاة
گتله شيخنا شنو يعني الشهادة الثالثة يا ستّار ؟!🤔
گال يعني تقول في التشهد والتسليم (أشهد أن علياً ولي الله)
گتله شيخنا انا من شبابي أذكرها بالفطرة وتعلمت عليها من أمي وأبوي الله يرحمهم وبعدين هيه شكو بيها شيخنا !!
گال الشيخ : هاي زيادة بالصلاة حجي وما تجوز الزيادة فيها .. من الأخير عيد صلاتك بويه
گتله شيخنا تسمحلي بكم سؤال على گد عقلي ؟
گال تفضل حجي بخدمتك..
گتله انا سامع منكم المعممين أن أول شيء يسألنا عنه الله يوم القيامة هي الصلاة مو صحيح ؟؟
الشيخ گال : نعم صحيح هاي رواية عن رسول الله (صلّى الله عليه وآله) يقول فيها :(الصلاة عمود الدين ان قبلت قبل ما سواها وان ردت رد ماسواها)
گتله يعني شيخنا اذا الصلاة باطلة معناها الصوم والحج والزكاة والصدقات وكل الاعمال باطلة مو صحيح ؟!
گال اي صحيح
گتله اذا الأعمال مال ابن آدم كلها باطلة وين يدخل الجنة لو للنار ؟؟
گلي للنار حجي گبل
گتله شيخنا انا شنو سبب بطلان صلاتي ؟
گلي ذكر علي
گتله يعني سبب بطلان بقية اعمالي هو بطلان الصلاة وهذا كله بسبب ذكر علي
هسه حسب كلامك ذكر علي يدخلنا للنار !!!!
لأن اذا نذكره بالصلاة راح تبطل الصلاة واذا بطلت الصلاة راح تبطل الاعمال واذا بطلت الاعمال راح ندخل للنار
بعد انا إلمن متمسك بإمام ذكره يدخلني للنار ؟؟!!!
إلمن جاي من البطحة ازور إمام ذكره يفسد صلاتي وعبادتي ويقطع علاقتي بربي !!؟؟
چا انتم تچذبون علينا تگولون عن النبي (ذكر علي عبادة)!!!
بدل ما علي سبب دخولنا للجنة صار حسب كلامك ان علي هو سبب دخولنا للنار وهاي كارثة يا بوية يا شيخنا
انا ما راح اعيد صلاتي وراح ادخل على ابو الحسن أگله المعذرة منك گاعدين بصحنك ونگول ذكرك يبطل الصلاة😭
عفت الشيخ ورحت للضريح أبچي گتله مولاي صلاتي بدون ما اذكرك ما تسوه فلسين يم الله ولو ما انت بيها الله ما يقبلها بس لخاطرك الله يقبلها مني …احلفك بالحسين لا تحرمني منها
أودعناك مولاي …
✤ ┈┅✦❂✦💠✦❂✦┅┈ ✤