قصيدة هود ظلام الليل والكرار محزون

هود ظلام الليل والكرار محزون

ينادي يزهرا ومدمعه يجري بلعيون

**********

يالعندك إحساس الالم فاگد لك أحباب

وشحالة الي شاف محبوبه بلتراب

معذور لوشفت الدمع من عينه سچاب

لمن يرد للبيت وأولاده ينوحون

**********

يصعب على حيدر وقوفه بعتبة الدار

ينظر بقايا إجروحها بضعة المختار

لليوم ماجفت دماها من المسمار

چا ليش يازهرا الضلع منچ يكسرون

*********

معذور تبچی ياعلي في ظلمة الليل

معذور لو فوگ الوجن دمعاتك إتسيل

معذور توگف عالگبر لترابه تقبيل

تهجع إليها بدمعتك لمن ينامون

*********

تسمع ونينك فاطمه لمن تجيها

تگلك ترد للبيت زينب من إليها

چنها على الاعتاب جلست في بچيها

إرجع يحيدر يا علي يا سيد الكون

********

عود إلى البيت بگلب مصيوب حيدر

وعاين أولاده والگلب منه تفطر

شاف الوديعة والدمع منه تحدر

ولاولاد حال المرتضى كلهم ينظرون

*********

زينب تگله ياعلي يمشيد الدين

ودني لگبر امي يحيدر يا ابو حسين

خلني بأداوي حمرة اللطمة على العين

حيدر سمعها والحسن وحسين يسمعون

*********

والمرتضى گلها ظلام الليل ساتر

انتي عزيزة مخدرة بنت الاطاهر

محمية يازينب من إعيون النواظر

صورة الزهرا فاطمة والخلگ  يدرون

*********

( ليل الآسى )

قصيدة في شأن شهادة سيدة نساء العالمين فاطمة الزهراء عليها السلام

١٤٤٠

21/1/2019

        ✍

عمارالشهركاني