امبارك ياحمد من صرت علامه وبدلت العكال بلبس العمامه

امبارك ياحمد من صرت علامه
وبدلت العكال بلبس العمامه

جن طوله استكان وفوكه صحن الجاي
من ذب العكال وطس العمامه

امبارك ياحمد من صرت علامه
وبدلت العكال بلبس العمامه
بدلت العكال البيه جنت محلاك
كسرته شلون كسره ومايله ليمناك
اشها الدولاب كلي الدولباك اجاك
ابن جكنوم غرك حسن هندامه
شكولن للي يكلي حمد شنهو الجاه
اتعارض لو فطينه اتعارضت وياه
ثلث تشهر ضبط ماصارن لمشاه
وفرد طمسه طمس بالعالم للهامه
يكول بثلث تشهر كملن دروسي
قريت اﻻجرميه وصرت قاموسي
وهمه عمامته وبجامع الطوسي
يباحث والحنك مسدول جدامه
لف طول علئ راسه وطول لفه احزام
تدهمج واليشوفه يشوف جومه خام
ﻻيهجع نهاره وﻻبليل ينام
يطورد بالعجود اتكول حجامه
كلشي حسبت ماحسبت بهاي
لن مﻻ حمد نحرير يفتي براي
جن طوله استكان وفوكه صحن الجاي
من ذب العكال وطس العمامه
هيه مصبغه وركضولك صبغ صبغوك
لﻻلفته متكلي شوكت قروك
مو صوجك تره صوج الذي دلوك
وخلوك تهرف والليل متنامه .
امبارك ياحمد من صرت علامه.

الشيخ ثامر آل حموده آل مزيعل
شيخ عشائر آل حسن