بالك تصير بصوب وحسين بصوب
لا تلجم تجروحه احذر بكل خطوة
__
عند الزجية امر المنافق مكشوف
لو جان عد باقي البشر ما معروف
صاحب وجه واحد صرت لو وجهين
وانت اعرف بروحك بعد وانت تشوف
وهذا الحزن غسل كلوب
انزع وجه شيطانك
____
صومك صلاتك انت اذا تتركهن
ولحسين دمعاتك دماء تهلهن
شيفيد نوحك لو تضل تبجي سنين
وعيونك بكد البجي تطيحهن
من كطعوا جسم حسين
جانت صلاته الغاية
___
اليهتك ستر والياخذ اعراض الناس
ما عنده غيرة ولا وفه ولا احساس
والعندة غيرة باجر يلاكي حسين
مرفوع راسه وما يطرده العباس
واتعلم من العباس
وامشي على خطواته
____
بر بابوك وامك وصير انسان
وهل جزا الإحسان إلا الإحسان
وهمه اذا جانو بفعلك راضين
اول شرط هذا بشروط الإيمان
وامنه الجبيرة الزهراء
واجب فرض نرضيها
___
لا تذكر اخوانك بسوء الغياب
يقل قدرك ابين الرجال وتنعاب
خدام الحسين الصدك معروفين
ما بيهم الياخذ الغيبة وجذاب
وسباع خدام حسين
كلهم حمية وخوة
_____
اعرف عدوك يالعدوك شيطان
لا تخطي خطواته التزم بالقرآن
دينك سفينة وانت بيها الربان
لا تغفل الها وتلكه روحك غركان
